सहज सुचलं म्हणून..

लिखाणाची आणि वाचनाची आवड तशी लहानपणापासूनच.या आधीही या लिंक  वरचे बरेच ब्लोग्स वाचले.कित्येकदा वाचून खळखळून हसले , तर कधी सहज डोळ्यातून पाणी आले.किती वेळा ब्लोग वाचून विचार करण्यास भाग पडले तर कधी ब्लोग्स वाचून माझे विचार बदलले.वाटलं आपणही लिहावं...पण कंटाळा आणि सुट्टी मिळाली कि लिहू , हे झाल कि लिहू, कामच लोड कमी झाल कि लिहू.. या सगळ्या पुढे मनातले विचार मनातच राहिले.

काल एक मैल वाचला..सलील कुलकर्णी यांचे विचार होते त्यात ..."राहूनच गेले.." हि तैग वाचून हातातले काम सोडून मैल वाचण्यास घेतला. ..विचार ताशे नेहमीचेच होते..वेळ मिळाला कि करू, अमुक चांगली गोष्ट झाली कि करू, या सगळ्या गोष्टींमध्ये करायच्या गोष्टी तशाच राहून जातात..आणि ती वेळ गेल्यावर त्या गोष्टी करण्यातला आनंदही तसाच हरवून जातो..

विचार करता करता आठवला लहानपनि शाळेत असताना आई भाषणाच्या स्पर्धेत छान
भाषण लिहून द्यायची..आणि मी जाऊन मनात येतील ते विचार बोलून द्यायचे... मराठीच्या पेपर
 मध्ये निबंध छान लिहिण्याच्या नादात पेपर अर्धवट राहिला म्हणून बाईंचा खालेला ओरडा...किती सहज होता तेव्हा सगळा...काहीही न ठरवता..
मग ठरवला काहीही झाला तरी मनातले विचार आपणही लिहून बघावेत... खूप काही अवघड आणि वैचारिक नाही लिहू शकले तरी अगदी सहज जे वाटेल ते लिहिण्याचा प्रयत्न करीन..
या नवीन वस्र्शाचा माझा हा संकल्प समजा..बघू.. दरवर्षीच्या संकल्प[प्रमाणे हा केवळ संकल्प राहणार नाही असा प्रयत्न करीन..


सर्वाना नवीन वर्षाच्या हार्दिक शुभेच्चा!!!!!!

पुढचा लेख: असे संपले २०११... कृपया वाचत राहा...!